काठमाडौं – कम उमेरमै दोहोरी गीत गाएर सामाजिक सञ्जालमा ‘भाइरल’ बनेकी गायिका कमला घिमिरेको पहिलो गीत सार्वजनिक भएको छ ।

‘चिया छानेको’ बोलको दोहोरी गीतमा कमला घिमिरे र अमृत सापकोटाको स्वर सुन्न सकिन्छ । यस्तै गीतमा राजेन्द्र बाजुराली, अमित बाबु रोकाया, गोमा ओली र शान्ता सुनारले पनि साथ दिएका छन् ।

गीतको भिडियोमा चर्चित गायक बद्री पंगेनी, विनोद बाजुराली, म्युजिक भिडियो निर्देशक शंकर बिसी, यस्तै चर्चित मोडल करिश्मा ढकाल, अञ्जली अधिकारी, एलिना रायमाझी लगायतलाई देख्न सकिन्छ ।

विकास ज्ञवालीले सम्पादन गरेको भिडियोलाई दुर्गा पौडेल र सुरेश श्रेष्ठले छायांकन गरेका हुन् ।

भिडियोको निर्देशन भने शंकर बिसीले गरेका हुन् ।