हवाना– क्युबाले भेनेजुएलाका राष्ट्रपति निकोलस मादुरोको सरकारप्रति पुनः समर्थन जनाएको छ ।

क्युबाका राष्ट्रपति मिगेल डियान कनेलले ट्वीट गर्दै अमेरिकाले क्युबामाथि लगाएको नाकाबन्दीको निन्दा गरेका हुन् । उनले भेनेजुएलाका जनता तथा राष्ट्रपति निकोलस मादुरोको सरकारप्रति क्युबाको समर्थन तथा ऐक्यबद्धता निरन्तर जारी रहेको समेत जनाएका हुन् ।

उनले अमेरिकी नाकाबन्दीको निन्दा गर्दै भेनेजुएलाका जनताको स्वाभिमान र प्रतिष्ठालाई कसैले कमजोर आँक्न नसक्ने समेत टिप्पणी गरे । उनले भेनेजुएलाका जनता र बोलिभारियन क्रान्तिलाई कुनै पनि बाह्य शक्तिले तोड्न नसक्ने समेत उल्लेख गरे ।

दुई हप्ताअघि डियाजले भेनेजुएलाका भ्रमण गरेका थिए । भेनेजुएलाका समाजवादी राष्ट्रपति निकोलस मादुरोका विरुद्ध जनताले प्रदर्शन गरेपछि प्रदर्शनकै माझ गत जनवरी महिनामा त्यहाँका विपक्षी नेता हुआँ गुआइदोले आफूले आफैंलाई राष्ट्रपति घोषणा गरेका थिए ।

गुआइदोको उक्त घोषणासँगै अमेरिकाले भेनेजुएलाका राष्ट्रपति मादुरोको सरकार तथा मादुरो सरकारका अधिकारीमाथि नाकाबन्दी र प्रतिबन्धको घोषणा गरेको थियो ।