काठमाडौं – नायिका नम्रता श्रेष्ठ र अभिनेता अनुपविक्रम शाही स्टारर फिल्म ‘जाइरा’ रिलिजको क्रममा छ । चलचित्रको रिलिज मिति नजिकिँदै गर्दा निर्माण टिम खुलेर फिल्मको प्रचारमा उत्रिएको छ ।

यसैबीच चलचित्र ‘जाइरा’ टिमले प्रचारका लागि अर्को पनि उपाय अपनाएको छ । तर यो उपायलाई दर्शकले ट्रोल बनाइदिएका छन् ।

सामाजिक सञ्जालमा भाइरल बनाइएका अघोरी बाबालाई चलचित्रको रिभ्यु गर्न लगाइएको छ । एक भिडियोमा भाइरल बनाइएका ती बाबाले जाइराको विज्ञापन गर्ने उद्देश्यले फिल्मको प्रचार गरिरहेका छन् ।

यसलाई कतिपयले त सामान्य रुपमा लिएका छन् तर कतिपयले भने नेपाली फिल्मको विज्ञापन गर्न पनि अब भाइरल विषयवस्तु खोज्नुपर्ने अवस्था आएको हो? भन्दै मजाक बनाएका छन् ।

त्यसो त स्टारकास्टका हिसाबले पनि यो फिल्म चर्चामा रहेको फिल्म हो । यता बाबालाई पनि मिडियाका माध्यमबाट फिल्मको प्रचार गर्न लगाइएको छ ।

सामाजिक सञ्जाल फेसबूकमा एक प्रयोगकर्ताले लेखेका छन्, पढ्न छोडेर बाबा बन्नुपर्छ कि क्या हो ? त्यस्तै अर्का प्रयोगकर्ताले लेखेका छन्, ‘यो त इरिटेट बनाउने खालको प्रचार तरिका भयो ।’

जे होस्, बाबालाई प्रयोग गरेर फिल्म टिमले भने राम्रै प्रचार गर्न खोजेको छ । भदौ ६ गतेबाट प्रदर्शनमा आउने यो फिल्मलाई आषुतोष राज श्रेष्ठले निर्देशन गरेका हुन् ।