काबुल– अफगानिस्तानमा सोमबार राति तालिबान लडाकू समूह र सुरक्षा फौजबीच भएको भिडन्तमा १२ जना तालिबान लडाकू मारिएका सरकारी पक्षले दाबी गरेको छ ।
धाज्नी प्रान्तमा भएको सो भिडन्तमा परी ३ जना सरकारी सुरक्षाकर्मीको मृत्यु भएको स्थानीय प्रहरी अधिकारीले बताएका छन् । दोहोरो झडपमा ९ जना तालिबान लडाकू घाइते भएका जनाइएको छ ।
घाज्नी प्रान्तको उत्तरी इलाकामा रहेका दुई वटा गाउँमा रहेका प्रहरी चौकीमा उक्त भिडन्त भएको थियो । गत अप्रिलमा तालिबान लडाकू समूहले सरकारी कर्मचारी र सुरक्षा अधिकारी लक्षित भीषण आक्रमण शुरु गरेयता अफगानिस्तानका ३४ वटा प्रान्तमध्ये २५ वटामा अझै तालिबान आतङ्ककारी समूह र सुरक्षा अधिकारीबीच भिडन्त जारी छ ।
प्रतिक्रिया