बगदाद- पूर्व शासक सद्दाम हुसैनले आम नरसंहार गरेको भनि विश्वास गरिने कुर्दहरुको सामूहिक चिहान फेला परेको छ । उत्तरी इराकको समावा शहरबाट १ सय ७० किलोमिटर टाढा मरुभूमिमा कुर्दहरुको सामूहिक चिहान फेला परेको हो । चिहानमा सन् ८० को दशकमा बेपत्ता पारिएको बताइने कुर्दहरुको अवशेष रहेको बताइएको छ ।

सामूहिक चिहान उत्खनन कार्यक्रममा सहभागी उत्तरी इराकको स्वशासित क्षेत्र इराकी कुर्दिस्तानका राष्ट्रपति बरहान सलिहले कुर्दहरुविरुद्ध सद्दाम हुसैनले गरेको अपराध बिर्सन नसकिने टिप्पणी गरेका छन् ।

सन् १९८० को दशकमा सद्दाम हुसैनले इराकका अल्पसङ्ख्यक कुर्दिस जातिका मानिसहरुविरुद्ध अन्फल नामक सैनिक कारवाही गरेका थिए । सैनिक कारवाहीका क्रममा कुर्दबहुल पूरै गाउँ नै सखाप भएका थिए । उक्त सैनिक कारवाहीमा प्रतिबन्धित रासायनिक ग्यासको पनि प्रयोग गरेको हुनसक्ने बताइन्छ ।