काठमाडौं– उच्च अदालत पोखराले गण्डकी मेडिकल कलेजका संचालक खुमा अर्यालसहित अन्य कर्मचारीले माग गरेअनुसारको निषेधाज्ञा जारी गर्न अस्वीकार गरेको छ ।

मुख्य न्यायाधीश कुमार चुँडाल र न्यायाधीश रामचन्द्र यादवको इजलासले कलेज स‌‌चालककाे पक्षमा आदेश जारी गर्न अस्वीकार गरेको हो।

सरकारले तोकेकोभन्दा बढी शुल्क लिएको भन्दै कलेजक विद्यार्थी जिल्ला प्रहरी कार्यलय कास्कीमा उजुरी दिएपछि जिल्ला अदालत कास्कीको आदेशमा प्रहरीले कलेज संचालकलाई पक्राउ पुर्जी जारी गरेको थियो ।

प्रहरीले पक्राउ पुर्जी जारी गरेपछि फरार रहेका ८ जनामध्ये ६ जनाले उच्च अदालत पोखरामा गत बिहीबार पक्राउ पुर्जीविरुद्ध निषेधाज्ञा माग गर्दै निवेदन समेत दर्ता गराएका थिए ।

दुवैपक्षबीच बुधबार र बिहीबार भएको बहसपछि उच्च अदालत पोखराले निवेदकको माग बमोजिम अन्तरिम आदेश जारी गर्न नमिल्ने आदेश जारी गरेको हो ।

हेनुस् उच्च अदालतको फैसला