कैलाली– अज्ञात समूहले कैलालीमा यात्रु बसमा आगजनी गरेको छ ।
कैलालीको भजनीबाट महेन्द्रनगरतर्फ जाँदै गरेको म १ ख ४४१ नम्बरको बसमा बिहीवार विहान आगजनी भएको हो । बसमा विवाहका जन्ती सवार रहेको जनाइएको छ ।
बसमा सवार यात्रुलाई आरालेर आगो लगाइएको प्रहरीले जनाएको छ । विहीबार विहान करिब ४ बजे बसलाई रोकेर आगजनी गरिएको । आगजनीका कारण बस पूर्णरुपमा क्षतिग्रस्त बनेको छ ।
विप्लव नेतृत्वको नेकपाले बन्द आह्वान गरेको कारण बसमा आगजनी विप्लवका कार्यकर्ताले लगाएको आशंका प्रहरीले गरेको छ । आगजनीको आशंकामा प्रहरी तीन जनालाई पक्राउ गरेको छ ।
प्रतिक्रिया