काठमाडौं– नेपाल स्टक एक्स्चेञ्जले चिलिमे हाइड्रोपावर कम्पनी र गुराँस लघुवित्त वित्तीय संस्थाको शेयर मूल्य समायोजन गरेको छ ।

नेप्सेले चिलिमेको २० प्रतिशत र गुराँस लघुवित्तको ७.६१ प्रतिशत बोनस सेयरका लागि शेयरमूल्य समायोजन गरेको हो ।

समायोजनपछि चिलिमेको शेयर मूल्य प्रतिकित्ता ३७५.८३ रुपैयाँ र गुराँस लघुवित्तको प्रतिकित्ता ४१७.२४ रुपैयाँ कायम भएको छ ।

दुवै कम्पनीले लाभांश पारित गर्न साधारणसभा समेत बोलाइसकेका छन् भने आज बुधबारदेखि बुक क्लोज गरेका छन् ।

मंसीर ११ गतेका लागि बोलाइएको चिलिमेको साधारणसभा बैठकले २० प्रतिशत बोनस शेयर र ५ प्रतिशत नगद लाभांश वितरणको प्रस्ताव पारित गर्नेछ भने गुराँस लघुवित्तले आगामी मंसिर १४ गते हुने साधारण सभाबाट ७.६१ प्रतिशत बोनस शेयर र ०.४० प्रतिशत नगद लाभांश पारित गर्नेछ ।