सियोल– करार अवधि सकिए पनि दक्षिण कोरियामा रोजगारदाता कम्पनीमा शरण लिएर काम गर्ने विदेशी कामदार संख्या बढ्दै गएको छ । विगत ४ महिनामा धेरै अवैधानिक विदेशी श्रमिक रहेका कोरियाको अध्यगमनले जनाएको छ ।

विना कागजात तथा भिसा नभएका विदेशीको २ लाख २० हजारभन्दा धेरै रहेको अनुमान अध्यागमन विभागको छ । कोरियामा १०.८ प्रतिशत विदेशी श्रमिक अवैध रुपमा बसेर काम गरिहेको त्यहाँको अध्यागमन विभागले जनाएको छ ।

अन्तर्राष्ट्रिय सञ्चारमाध्यमका अनुसार कोरियामा सवैभन्दा धेरै चिनियाँ श्रमिक अवैधानिक रुपमा बसेर काम गरिरहेका छन् । कोरियमा रहेका अवैधानिक कामदारमध्ये  चिनियाँहरु मात्रै ४७.६ रहेका कोरियाको अध्यगमन विभागले जनाएको छ ।

चिनियाँपछि भियतनामी ७ .७ अमेरिकी ७.३, थाई ५ प्रतिशत र फिलिपिनी २.८ प्रतिशत गैरकानूनी कामदारहरु कोरियामा कार्यरत छन् । त्यस्तै, रोजगारीका लागि कोरिया गएका नेपाली कामदारहरु पनि अवैध रुपमा बस्न क्रम बढेको कोरियास्थीत नेपाली दूतावासले जनाएको छ ।

कोरियामा झण्डै १ हजार २ सयभन्दा धेरै नेपाली अवैधानिक तवरले बसेका छन् । आगामी वर्षको कोटा पनि अवैधानिक बसेको संख्यालाई हेरेर निर्धारण हुने भएकोले अवैधानिक संख्या घटाउन कोरिया सरकारले ध्यानाकर्षण गराउने गरेको दूतावासले जनाएको छ ।