बर्दिवास- बाढीका कारण कमला नदीमा फसेका ९ जनाको सकुशल उद्धार गरिएको छ । शसस्त्र प्रहरीको महोत्तरी-२ नम्बर बाहिनीबाट परिचालित क्षेत्रिय विपद् व्यवस्थापन टिमले आज धनुषाको शहिद नगरपालिका बत्राईमा फसेका ९ जनालाई सकुशल उद्धार गरेको हो ।
टोलीले शहिद नगरपालिका बत्राईस्थित कमला खोलाको बगरमा झुप्रा घरमा फसेका ५ जना र कमलामाई नगरपालिका-७, हसमुढा सखलास्थित कमला नदी बीचमा फसेका ४ जना गरी ९ जनालाई सकुशल उद्धार गरी सुरक्षित स्थानमा सारेको छ ।
शसस्त्र प्रहरीको टोलीले महोत्तरी बर्दिबास नगरपालिका-१ बजार क्षेत्रस्थित पूर्व पश्चिम राजमार्ग सडकखण्डमा बाढीले कटान गरेकोमा पानीलाई पूर्ववत फर्काई कटान नियन्त्रण पनि गरेको छ ।
प्रतिक्रिया