काठमाडौं– तपाई असाधारण प्रतिभाशाली हुनुहुन्छ भने तपाईलाई अमेरिकाले ग्रिनगार्ड प्रदान गर्दछ ।

अमेरिकी अध्यागमन नियमअनुसार विज्ञान, कला, व्यापार, शिक्षा, खेलकुद लगायत बिभिन्न विद्याका प्रतिभाशालीहरुलाई सजिलैसँग अमेरिकी ग्रिन कार्ड प्राप्त हुन्छ ।

ख्यातिप्राप्त पत्रकार, शिक्षक, कलाकार, गायक, संगितकार, नृत्यकार, फोटोग्राफर, टेलिभिजन कार्यक्रम प्रस्तोता, चित्रकार, मार्सल आर्टसका खेलाडी, प्रशिक्ष्क, टेवलटेनिसका खेलाडी, शिक्षा क्षेत्रका व्यक्तित्व आदिलाई यस विशिष्ट श्रेणीको भिसा र ग्रीनकार्ड केही महिनाभित्रै प्राप्त हुन्छ ।

असाधारण प्रतिभाशालीका पुष्टि गर्न निवेदकले आफ्नो क्षेत्रमा दख्खल रहेको प्रमाणीत गर्ने दस्ताबेजहरु पेश गर्नुपर्दछ ।

कतिपय अवस्थामा तपाईले आफ्नो प्रतिभालाई पुष्टि गर्ने कागजात र प्रमाण पेश गर्न द्विविधा रहेमा अध्यागमन हेर्ने कानून व्यवसायीसँग समेत परामर्श या सहयोग लिनुपर्ने हुनसक्छ ।

यो ग्रिन कार्डका लागि औपचारीक अध्यननको खास जरुरी पर्दैन । यस खालको भिसालाई अमेरिकाले ‘इबी वान’ र ‘इबी टु’ मा बर्गीकरण गरेको छ ।

असाधारण प्रतिभाशाली ग्रिन कार्ड प्राप्त गर्न इच्छुक निवदेकले निम्न प्रमाणहरु पेश गर्नुपर्छ–

– निवेदकले महत्वपूर्ण राष्ट्रिय तथा अन्तर्राष्ट्रिय पुरस्कार र सम्मान पाएको प्रमाण पत्र

– निवेदक प्रतिष्ठित पेशागत संगठनको सदस्य रहेको प्रमाणपत्र

– निवेदकका बारे कुनैपनि राष्ट्रिय तथा अन्तराष्ट्रिय सञ्चार माध्यममा प्रकाशीत/प्रशारित अभिलेख।

– निवेदक आफ्नो पेशाको विशेषज्ञको हैसियतमा निर्णायक भई अरुको मूल्याङ्कन गरेको प्रमाण

– निवेदकले आफ्नो क्षेत्रमा महत्वपूर्ण योगदान र उपलब्धी हासिल गरेको प्रमाण

– निवेदकका सञ्चारमाध्यममा प्रकाशीत लेख रचना

– निवदेक कार्यरत कम्पनीमा महत्पूर्ण जिम्मेवारी लिइरहेको प्रमाण

– निवेदक कार्यरत स्थानमा अरुभन्दा बढी तलब प्राप्त गरेको प्रमाण

– निवेदकलाई महत्वपूर्ण व्यक्तिहरुले गरेको लिखित सिफारीस

– निवेदकसंग एक दशकभन्दा लामो अनुभव रहेको प्रमाणीत गर्ने कागजात ।