काठमाडौं – ‘बुलबुल’ फिल्ममा चोपेन्द्रको भूमिका निभाएर चर्चामा आएका मुकुन भुसालले फिल्म ‘अन्तरे’ मा अभिनय गर्ने भएका छन् । फिल्मलाई सत्यराज चौलागाई‌ंले निर्देशन गर्दैछन् ।

फिल्ममा अन्तरेको भूमिका अभिनेता मुकुन भुसालले निभाउनेछन् । निर्माण टिमका अनुसार फिल्ममा यस्तै कथा चाहिएकाले मुकुनलाई फाइनल गरिएको हो । यता मुकुनले पनि यो फिल्ममा अभिनय गर्न पाउँदा खुशी लागेको बताए ।

‘मैले जे खोजेको थिएँ, यो फिल्ममा त्यही पाएँ’ अभिनेता मुकुन भुसालले भने, ‘मैले मेरो आफ्नो पात्र मात्र हेरिन, पुरै स्क्रिप्ट पढेँ, स्क्रिप्टमा जे लेखिएको छ पूरै चलचित्रमा देखाउन सकिने गरी लेखिएको छ ।’

निर्देशक चौलागाईंका अनुसार फिल्ममा चरित्र बुझाउन सक्ने अन्य कलाकारहरु छनोटको काम भइरहेको छ ।

यो फिल्म रेड आइज फिल्म्सको ब्यानरमा निर्माण हुनेछ । यस्तै फिल्ममा राज पण्डित र सुबास राईले लगानी रहनेछ । निर्माण टिमका अनुसार फागुनको पहिलो साताबाट फिल्म फ्लोरमा जानेछ ।