काठमाडौं – चलचित्र ‘प्रेम संसार’ को पहिलो गीत सार्वजनिक गरिएको छ । बिहीबार राजधानीमा कार्यक्रमको आयोजना गरी गीत सार्वजनिक गरियो । ‘सुनैना सुनैना’ बोलको गीतमा अर्जुन पोख्रेलको शब्द संगीत, राजेश पायल राई र अन्जु पन्तको स्वर सुन्न सकिन्छ ।

यस्तै गीतको भिडियोमा चलचित्रका कलाकार प्रेम सोनी र आयुष्मा कार्कीलाई देख्न सकिन्छ । गितको कोरियोग्राफी राम गौतमले गरेका हुन् ।

साथै चलचित्रमा प्रेम सोनी, कबिता नेपाली, आयुष्मा कार्की , मोनिका दाहाल बिबिशा पाण्डे,राम गौतम अर्जुन पौडेल, करण पौडेल, सुनिल बिक,यम बहादुर बिक,बिजय सुनार टंक मरासैनी, किशोर पाण्डे, लगाएतको अभिनय रहेको छ । चलचित्रलाई प्रेम बहादुर सुनारले लेखेका हुन् । चलचित्रमा लगानी पनि उनकै छ ।

यस्तै चलचित्रमा उतम केसी र देबीन गहतराज कार्यकारी निर्माता, कमल सुनार र सीता सुनार निर्माताको रुपमा रहेका छन् । यो चलचित्र मंसीर १३ गतेबाट प्रदर्शन हुँदैछ । चलचित्रलाई राम गौतमले निर्देशन गरेका हुन् ।