एजेन्सी– अल्फबेट इन्कको कम्पनी गुगलका प्रमुख कार्यकारी अधिकारी सिइओ सुन्दर पिचाइको मिसनप्रति गुगलका कर्मचारीहरुको असन्तुष्टि बढ्दै गएको सर्वेक्षण सार्वजनिक भएको छ ।

गुगलको आन्तिरिक सर्वेक्षण गुगलगाइस्टले सार्वजनिक गरेको नतिजामा केबल ७८ प्रतिशत गुगलका कर्मचारीमात्रै सुन्दर पिचाइको मिसनप्रति सन्तुष्ट रहेको देखाएको हो । यो सङ्ख्या अघिल्लो वर्षको भन्दा १० प्रतिशतले कम हो ।

गुगलगाइस्टको प्रतिवेदनमा पिचाइको मिसनले कति प्रेरणा दिन्छ भन्ने प्रश्नमा ७८ प्रतिशत कर्मचारीले मात्रै प्रेरणा दिन्छ भन्ने जवाफ दिएका थिए ।

त्यस्तै, पिचाइको व्यवस्थापकीय टिमप्रति कति सन्तुष्ट हुनुहुन्छ भन्ने प्रश्नमा केबल ७४ प्रतिशतले मात्रै सकारात्मक जवाफ दिएका थिए । पिचाइको व्यवस्थापकीय टिमप्रति असन्तुष्टि व्यक्त गर्ने कर्मचारीको सङ्ख्या अघिल्लो वर्षको भन्दा १८ प्रतिशत कम हो ।