काठमाडौं । देशमा कुल जनसंख्याको आठ प्रतिशतले मात्रै कन्डमको प्रयोग गर्ने गरेका छन् । स्वास्थ्य सेवा विभागले २०१७ मा गरेको अध्ययनअनुसार कन्डमप्रतिको गलत धारणा हट्न नसकेका कारण यसको प्रयोग बढ्न नसकेको हो ।

जनस्वास्थयमा परिवार नियोजनको सुरक्षित साधनको रुपमा मानिएको र सरकारलृ निःशुल्क रुपमा वितरण गर्दै कन्डमको प्रयोग वार्षिक जनसंख्या वृद्धिदर अनुसार बढ्न नसकेको विज्ञ बताउँछन् ।

शिक्षा र जनचेतनाको अभावका कारण कन्डमको प्रयोग बढ्न नसकेको राष्ट्रिय एड्स तथा यौन रोग नियन्त्रण केन्द्रका डा. तारानाथ पोख्रेलले बताए ।

नेपाल स्वास्थ्य सर्वेक्षण २०१६ को तथ्यांकअनुसार प्रजनन उमेरका १५ देखि ४९ वर्षका दम्पतीमा ४३ प्रतिशत मात्रै परिवार नियोजनका आधुनिक साधन प्रयोग गर्छन् । विवाहित किशोरीमध्ये १५ प्रतिशत किशोरीले मात्र परिवार नियोजनका आधुनिक साधन प्रयोग गर्छन् । समाचार कान्तिपुर दैनिकले छापेको छ ।