वेलिङटन– न्यूजिल्याण्डमा हराइरहेका एक बेलायती पदयात्रीको शव फेला परेको छ । दुई साताअघिबाट हराइरहेका ४९ वर्षे बेलायती पदयात्रीको शव बुधबार फेला परेको न्यूजिल्याण्डको प्रहरीले जनाएको हो ।
राजधानी वेलिङ्टननजिक रहेको टारारुआ पहाडी इलाकामा बेलायती पदयात्री ड्यारेन मारेसको शव फेला परेको जनाइएको छ । उनको एक्कासी मृत्यु भएको र उनले कुनै किसिमको शारीरिक पीडा व्यहोरेजस्तो नदेखिएको अन्तर्राष्ट्रिय सञ्चारमाध्यमले जनाएका छन् ।
गत जुन १ मा पदयात्राका लागि निस्केका उनी पूर्व निर्धारित शिविरमा नपुगेपछि उनको खोजी कार्य शुरु गरिएको थियो । खराब मौसमका कारण खोजीकार्यमा ढिला भएपछि अन्ततः उनको शव बुधबारमात्र फेला परेको अधिकारीले जनाएका छन् ।
प्रतिक्रिया