काठमाडौं – दयाहाङ राईको शीर्ष भूमिका रहेको फिल्म ‘आप्पा’ को ओएसटी गीत सार्वजनिक गरिएको छ । साथै फिल्मको रिलिज मिति पनि हेरफेर गरिएको छ । सार्वजनिक ‘अमला’ गीतमा हर्क साउदको शब्द, एसडी योगी र सुशान्त गौतमको संगीत तथा मेलिना राई र एसडी योगीको स्वर छ ।

केही महिना पहिले फिल्मको रिलिज मिति जेठ २४ गतेलाई तोकेको थियो । निर्माण टिमका अनुसार अब भने यो फिल्म असार १३ गतेदेखि प्रदर्शनमा आउने भएको छ । बाबुछोराको सम्बन्धमा बनेको यो फिल्मलाई अनमोल गुरुङले निर्देशन गरेका हुन् भने रुदेन सादा लेप्चाको निर्माण गरेका हुन् ।

दयाहाङ राई, सिद्धान्त राज तामाङ र अल्लोना काबो लेप्चाका अलवा बरिष्ठ निर्देशक तथा निर्माता तुलसी घिमिरे, अरुणा कार्की लगायतका कलाकारको समेत मुख्य भूमिका रहेको ‘आप्पा’मा निर्देशक गुरुङकै कथा, अनमोल गुरुङ र उमेश उपमाको पटकथा तथा संवाद, शैलेन्द्र डी. कार्कीको छाया‌ंकन, अनमोल गुरुङ र शैकात देवको संगीत, निमेष श्रेष्ठको सम्पादन रहेको छ ।