काठमाडौं– सरकारले विप्लव नेतृत्वको नेकपामाथि प्रतिबन्ध लगाएको छ । प्रतिवन्ध लगाएसँगै उक्त पार्टीको नाममा कुनै कार्यक्रम तथा गतिविधी सञ्चालन गरे प्रहरीले विप्लव नेतृत्वको नेकपाका नेता कार्यकर्तालाई पक्राउ गर्ने जनाएको छ ।

\नेपाल प्रहरीका प्रवक्ता वरिष्ठ प्रहरी उपरीक्षक उत्तम सुवेदीले खबरहबसँग कुरा गर्दै अहिलेसम्म विप्लवको पार्टीमाथि प्रतिबन्ध लगाएको आधिकारीक जानकारी नआएको बताए । उनले भने,‘अहिलेसम्म आधिकारिक जानकारी आएको छैन, आएपछि उनीहरुले कुनै पनि गतिविधि गर्न पाउने छैनन् । ’

प्रवक्ता सुवेदीले विप्लव नेतृत्वको नेकपाले भेला, आमसभा गरे सोझै पक्राउ गर्ने बताए ।

‘आपराधिक क्रियाकलामा आधारमा हिजोसम्मा खोजताल गरिंदै आएको थियो भने अब उक्त पार्टीका नाममा कुनै गतिविधि भए÷ गरिएमा सोझै पक्राउ गर्छौं’ सुवेदीले भने ।

उनले विप्लवका नेता कार्यकर्ताको नाम वारेन्ट र खोजीमा राखिने बताए ।