काठमाडौँ – चलचित्र निर्देशक समाजको आसन्न निर्वाचनमा अध्यक्ष पदमा निर्देशक दिनेश डिसीले उम्मेदवारी दिने भएका छन् । उनले साथीभाइको करकाप र निर्देशकको हकहितका लागि उम्मेदवारी दिएका हुन् ।
डिसी वि.सं. २०७० मा अध्यक्ष पदमा चुनिएका थिए । उनले आफू कार्यसमितिमा रहन नचाहे पनि अन्य निर्देशकको करकापले पुन: उम्मेदवारी दिएको बताए ।
‘सम्पूर्ण चलचित्र निर्देशक, चलचित्रकर्मी तथा कलाकारहरुको आग्रहलाई स्वीकार गर्दै निर्देशक समाजको अध्यक्ष पदमा उम्मेदवारी निर्णय गरेको छु,’ उनले भने ।
यही मंसिर २८ गते चलचित्र निर्देशक समाजको निर्वाचन हुँदैछ । यतिबेला निर्देशकलाई चुनाव लागेको छ ।
प्रतिक्रिया