काठमाडौं-वैदेशिक रोजगारीमा कोरियामा रहेका खोम गुरुङले नयाँ गीत गुन्द्रुक साँधेको ल्याएका छन् ।

वैदेशिक रोजगारीमा रहेर पनि सांगीतिक क्षेत्रमा क्रियाशिल गुरुङले लेखेको गीतमा मेलिना राई र निशान भट्टराईको आवाज छ । यो गीतमा डीआर अटुले संगीत भरेका छन् भने शिशिर श्रेष्ठले निर्देशन गरेका छन् ।

हास्य कलाकार उमेश राई र सन्ध्या बुढा, रियासा दाहाल, बिनोद परियार र रोवट सिंहको अभिनय रहेको म्युजिक भिडियोले गाउँले हास्य ठट्यौली शैलीलाई उजागर गरेको छ ।

साहित्यिक र सांगीतिक क्षेत्रमा रहेका गुरुङले आफूले कोरियामा रोजगारी गरिरहेपनि कामबाट फुर्सद पाएको समयमा साहित्यिक र सांगीतिक सिर्जना गर्ने गरेको बताएका छन् ।

कामले आफूहरुलाई व्यस्त बनाएपनि खाली भएको समयमा केहि सिर्जनशिल काम गर्दै आएको भन्दै गुरुङले प्रवासी मनमा उब्जेका भावनालाई गीतमा उतारेको बताएका छन् ।