एजेन्सी– नोबेल शान्ति पुरस्कार २०१९ इथियोपियाका प्रधानमन्त्री अवि अहमदले पाउने भएका छन् ।

यो बर्षको नोबेल शान्ति पुरस्कार प्रधानमन्त्री अहमदले पाउने शुक्रबार घोषणा भएको हो । उनलाई २० वर्ष लामो युद्ध अन्त्यका लागि भूमिका खेलेको भन्दै पुरस्कार प्रदान गर्ने घोषणा गरिएको छ ।

उनले सन् १९९८ देखि २००० सम्म भएको सैन्य गतिविधिलाई रोक्न सघाउ पुर्याएका थिए ।

योसँगै उनी नोबेल शान्ति पुरस्कार पाउने १ सय औं व्यक्ति पनि बनेका छन् । प्रधानमन्त्री अहमदले ९ मिलियन स्वीडिस क्राउन नगद पुरस्कार डिसेम्बरमा पाउनेछन् ।

यो अर्वाडका लागि ३ सय १ जना मनोनयनमा परेका थिए । जसमा २ सय २३ जना व्यक्ति थिए भने ७८ वटा संघसस्था मनोनयनमा परेका थिए ।

अवि अहमद सन् २०१८ अप्रिलमा प्रधानमन्त्रीमा निर्वाचित भएका थिए भने उनले प्रधानमन्त्री भइसकेपछि देशमा शान्ति स्थापनाका लागि सकारात्मक भूमिका खेलेको भन्दै नोबेल पुरस्कार गुठीले उनलाई पुरस्कृत गरेको हो ।