डेंगुका कारण अहिले करीब ४ हजार जना मानिस संक्रमित भएको इपिडिमियोलोजी तथा रोग नियन्त्रण महाशाखाले जनाएको छ ।

लामखुट्टेबाट लाग्ने यो रोगका कारण ६ जनाको मत्युसमेत भइसकेको छ । डेंगु रोगको सामान्य लक्षण २ देखि ७ दिनमा देखा पर्न थाल्छ

सामान्य लक्षण

१. रुघा लाग्नु, सामान्य ज्वरो आउनु
२. टाउको दुख्नु(आँखाको पछाडीको भागमा)
३. वान्ता आउनु, वाकवाकी लाग्नु
४. पेट दुख्नु, पखाला लाग्नु
५. मांशपेसी, हाड र जोर्नी दुख्नु
६. छालामा रातो फोका देखिनु
गम्भिर लक्षण ४देखि ७ दिनमा देखा पर्न थाल्छ

गम्भिर लक्षण

१.उच्च ज्वरो (१०४डिग्री फरेन्हाइटसम्म)
२.नाक र मुखबाट रक्तश्राव हुनु
३. रगतमा प्लेटलेट्सको मात्रामा कमी आउनु
४. रक्तचाप अत्यधिक घटनु

कसरी सर्छ डेंगु ?

१. एडिज एजेप्टी जातको लामखुट्टेको टोकाईबाट
२. संक्रमित लामखुट्टेको टोकाईबाट
३. संक्रमित व्यक्तिको रगत वा कुनै अंग प्रत्यारोपणबाट
४.गर्भावस्थामा आमालाई डेंगु लागेमा शिशुमा समेत सर्ने सम्भावना