काठमाडौं – दयाहाङ राई र दिया पुनको शीर्ष भूमिका रहेको फिल्म ‘दयारानी’ को रिलिज मिति ६ महिनापछि धकेलिएको छ । यो फिल्म पहिले जेठ १० गते हुने भनिएको थियो । त्यसपछि फिल्म साउन  ३० मा पुगेको थियो ।

अब यो फिल्म महाशिवरात्रीको अवसर पारेर रिलिज हुने भएको हो । यसअघि दुईपटक रिलिज डेट सारिसकेको फिल्म निर्माण टिमले अब भने जुनै हालतमा पनि यही मितिमा फिल्म रिलिज हुने जनाएको छ ।

पहिले जेठ १० गते रिलिज हुने भनिएको फिल्म पछि साउन ३० मा पुगेको थियो ।

निर्देशक माओत्से गुरुङले नेपालमा फिल्म चलाउन गाह्रो भएको भन्दै रिलिज मिति सारेका हुन् । यो फिल्ममा दयाहाङ र दिया पुनका अतिरिक्त विजय बराल, प्रमिशा गुरुङ, पुष्कर गुरुङ, टिकाराम घले लगायतका कलाकारको अभिनय रहेको छ ।

माओत्से फिल्मस् र सिनेमा आर्टसले संयुक्त रुपमा आयोजना गरेको यो फिल्ममा खराब श्रीमान र दयालु श्रीमतीको एउटा पृथक कथा देख्न सकिन्छ ।