काठमाडौं – शारीरिक रुपमा अशक्त भएर पनि लोकसंगीतको क्षेत्रमा निरन्तर सक्रिय रहेका लोकगायक खड्ग गर्बुजाले आफ्नो आत्मकथा बजारमा ल्याएका छन् । रेडियो नेपालका जागीरे समेत रहेका गर्बुजाको उक्त आत्मकथा घोस्ट राइटिङ नेपालले बजारमा ल्याएको हो ।
‘मोडिएको बाटो’ शीर्षक दिइएको आत्मकथामा आफ्नो जीवनका सबै आरोह अवरोहलाई पुस्तकमा समेटेको गायक गर्बुजाले बताए ।
‘पुस्तक तयार भइसकेको छ, हामीले अझै बजारमा पठाएका छैनौं, अब बजारमा जान्छ ।’, गर्बुजाले सुनाए ।
आफूले घर छोडेर सडकमा गाउँदै हिँड्दादेखि रेडियो नेपालको यात्रासम्म उनले आत्मकथामा लेखेका छन् । आत्मकथाको मूल्य रुपैयाँ ५ सय राखिएको छ भने उपन्यासलाई छिट्टै बजारमा पठाइने गर्बुजाले जानकारी दिए ।
प्रतिक्रिया