काठमाडौं – नेपालमा पहिलो पटक यु-१९ दुई दिवसीय क्रिकेट प्रतियोगिता हुने भएको छ । हिमालयन क्रिकेट एकेडेमीको आयोजनामा पुस १९ देखि माघ ४ गतेसम्म आयोजना हुनेछ ।
६ टिम सहभागी हुने भनिएको लिगको लगानी ५० लाख अनुमानित रहेको आयोजकले जनाएको छ । राजधानीका ४ र उपत्यका बाहिरका २ टिमले प्रतियोगितामा सहभागिता जनाउने छन् ।
अहिलेसम्म आयोजक हिमालयन क्रिकेट एकेडेमी र २०७२ मा आयोजना भएको हिमालयन क्रिकेट लिगको विजेता धनगढी क्रिकेट एकेडेमीले खेल्ने पक्का भईसकेको आयोजकले बताएको छ।
खेल माथिल्लो मुलपानी क्रिकेट मैदानमा हुनेछ । राउन्ड रोविन लिगका आधारमा हुने खेल पहिलो दिन ९६ ओभर खेल्नेछ । पहिलो इनिङ्स ब्रेक ६० ओभरको हुनेछ ।
प्रतिक्रिया