काठमाडौं – एसीसी यु१९ एसिया कप क्रिकेट प्रतियोगितामा नेपाली युवा टोलीले युनाइटेड अरब इमिरेट्सविरुद्ध मध्यम शुरुवात गरेको छ ।

श्रीलंकाको एफटिजेड स्पोट्स कम्प्लेक्समा भइरहेको खेलमा १२ ओभर सकिँदा नेपाली टोलीले २ विकेट गुमाएर ४५ रन मात्रै बनाउन सकेको छ ।

टस हारेर पहिलो ब्याटिङको निम्तो पाएको नेपाली टोलीले ओपनर ब्याट्सम्यान द्वय रित गौतम र पवन शरार्फलाई शून्यमै गुमाउनु पर्यो ।

ओपनर रनको खाता नै नखोलि आउट हुँदा टिम केही दबाबमा छ । ताजा अवस्थामा नेपालका ब्याट्सम्यान आसिफ शेख र कप्तान रोहित कुमार पौडेल क्रिजमा छन् ।

आसिफले २६ रनमा खेलिरहँदा रोहितले १६ रन बनाएर खेलिरहेका छन् ।

नेपालविरुद्ध युएईलाई शुरुवाती सफलता दिलाउने सञ्चित शर्मा र आकाश ताहिरले समान एक–एक विकेट लिए ।