काठमाडौं – चलचित्र ‘सम्हालिन्छ कहिले मन’ को छायांकन शुरु भएको छ । निर्माण टिमका अनुसार यो फिल्मको छायांकन लण्डनबाट शुरु भएको हो ।

झण्डै पचास दिनको सेडुअलमा फिल्म युनिट कलाकारका साथमा लण्डन उडेको थियो । क्यामेरा पूजा गर्दै शुरु भएको छायांकनमा पहिलो शट पूजा शर्मा र सोनम तोप्देनले दिएका थिए ।

आकाश श्रेष्ठ, गौरी मल्ल, धिरेन शाक्य, सरोज खनाल लगायतका कलाकारको पनि अभिनय रहने यो फिल्मलाई सुदर्शन थापाले निर्देशन गर्दैछन् । फिल्मको छायांकन लण्डनपछि स्कटल्याण्ड र वेल्समा समेत हुनेछ । नेपालमा यो फिल्म मुस्ताङमा छायांकन हुने निर्माण टिमले बताएको छ ।

फिल्ममा अमित बस्नेतको लगानी छ । फिल्ममा कार्यकारी निर्मातामा अंकित गौतम र सनिष खकुरेल छन् भने चलचित्रमा परि राना र अजितकुमार थापाको सह–निर्माण रहेको छ ।

चलचित्रलाई त्रिकोणात्मक प्रेमकथामा आधारित भनिएको छ ।