काठमाडौं– नेपाली कांग्रेसले वीरगञ्जमा आफ्ना नेताको नाममा बन्न लागेको उद्यानमा शहीद स्मृति पार्क बनाउन लागेको भन्दै आपत्ति जनाएको छ ।

कांग्रेसका प्रवक्ता विश्वप्रकाश शर्माले आइतबार पत्रकार सम्मेलन गर्दै आफ्ना नेता विपी कोइरालाको नाममा बन्न लागेको उद्यानमा प्रदेश दुई सरकारले अन्य प्रयोजनका लागि उद्घाटन गरेको भन्दै आपत्ति जनाएका हुन् ।

वीरगञ्जमा विपी कोइरालाको नाममा १० विघा जग्गामा विपी उद्यान बनाउन भन्दै ५९ सालको स्थानीय सरकारबाट जग्गा प्रवन्ध भएर अगाडि अघि बढेको अवस्थामा प्रदेश २ का मुख्य मन्त्रीले उक्त उद्यानको नाम हटाउँदै त्यहाँ अर्कै नाममा उद्यानको उद्घाटन गरेको भन्दै कांग्रेसले आपत्ति जनाएको हो ।

कांग्रेसले यथाशिघ्र विपी उद्यान बनाउन सरकारसँग माग गरेको छ ।