काठमाडौं- नेपाल साग फुटबलमा चौथो पटक स्वर्ण जित्न सफल भएको छ । १३ औं दक्षिण एसियाली खेलकुद (साग)काे पुरुष फुटबलमा नेपालले स्वर्ण जित्दै चौथो पटक स्वर्ण जितेको हो ।

मंगलबार दशरथ रंगशालामा भएको फाइनल खेलमा नेपालले भुटानलाई २–१ गोल अन्तरले पराजित गर्दै स्वर्ण चुम्न सफल भएको हो ।

नेपालको जितका लागि अभिषेक रिजाल र सुनिल बलले १-१ गोलको योगदान गरे । खेलको १६ औँ मिनेटमा अभिषेकले पहिलो गोल गर्दै नेपाललाई अग्रता दिलाएका थिए ।

त्यसपछिभुटानका कप्तान चेन्चो ग्यालसेनले ३६औँ मिनेटमा गोल फर्काउँदै खेललाई बराबरीमा ल्याए । फेरि नेपालका तर्फबाट ५३औँ मिनेटमा सुनिलले अर्को थपेपछि नेपाल जितको अवस्थामा पुगेको थियो । जितसँगै नेपालले सागमा ५१ वटा स्वर्ण जितेको छ ।

जितपछि नेपाली खेलाडी निकै हर्षित बनेका थिए । घरेलु मैदानमा दर्शकको उल्लेख्य साथ रहेको थियो ।