१९१० को दशकमा महात्मा गान्धी दक्षिण अफ्रिकामा आफ्नो राजनीतिक अभियान चलाइरहेका थिए । त्यसबेला दक्षिण अफ्रिकामा जनरल जन स्मट्सको शासन थियो । गान्धी र स्मट्सबीच ठूलो मतभिन्नता रहने गरेको थियो ।

स्मट्स र गान्धीबीच मतभिन्नताका कारण गान्धी जेल पर्दै आएका थिए । जेल हालेर गान्धीको मनोबल गिराउने स्मट्सको विचार थियो । तरपनि गान्धी भने जतिसुकै जेल जीवन विताए पनि विचलित भने हुँदैनथे ।

यही क्रममा जेलमा उनले दक्षिण अफ्रिकाको जोहनेसबर्ग शहर नजिकै लियो टोल्सटोयले स्थापना गरेको फार्ममा छालाको चप्पल बनाउन सिकेका थिए । उनले जेलमै एकजोर चप्पल बनाएका थिए ।

सन् १९१४ मा गान्धीले दक्षिण अफ्रिका छाडे । दक्षिण अफ्रिकाबाट छाड्नेबेला उनले त्यसबेला आफ्नी सचिव रहेकी सोनिया स्लेइसिनलाई सोही चप्पल स्मुट्सलाई दिन भने ।

सन् १९३९ अक्टोबर २ महात्मा गान्धीको ७० औं जन्मदिनका दिन स्मुट्सले गान्धीलाई पत्र लेखे । पत्रमा उल्लेख थियो, ‘तपाईंले दिनुभएको आफ्नो हातले बनाएको चप्पल म अझै पनि लगाउँदै आएको छु । तर, तपाईंले दिएको चप्पल लगाउन म योग्य छु भन्ने मलाई लाग्दैन ।’