काठमाडौं –  अभिनेता आकाश श्रेष्ठ र मोडल एलिसा राईले अभिनय गरेको गीतको भिडियो सार्वजनिक भएको छ । भिडियोलाई युट्युबमार्फत सार्वजनिक गरिएको हो ।

‘टेलिफोनको टावर’ बोलको गीतमा गीतकार अम्बिका गुरुङका शब्द छन् भने लेखु सहयात्री र मेलिना राइको स्वर सुन्न सकिन्छ । यसै गरी गीतमा दीपक शर्माको संगीत रहेको छ ।

युवायुवतीको रोमान्टिक प्रेम दर्शाएको गीतको भिडियोमा आकाश र एलिसाको रोमान्स देख्न सकिन्छ ।

विधान कार्कीले निर्देशन गरेको भिडियोमा राजिव समरको कोरियोग्राफी, अर्जुत तिवारी र टिमको छायांकन, सुप्रिम पराजुलीको सम्पादन छ ।