गुठी संरक्षण अभियन्तामाथि पानीको फोहरा (फोटो फिचर)

सविना कार्की

२६ जेष्ठ २०७६, आइतबार

पढ्न लाग्ने समय : 2 मिनेट

काठमाडौं–गुठी संरक्षणका अभियन्तामाथि प्रहरीले दमन गरेको छ । सरकारले संसदमा प्रस्तुत भएको विधेयकका विरोधमा प्रदर्शनमा उत्रिएका गुठी संरक्षण अभियन्तामाथि प्रहरीले दमन गरेको हो ।

अभियानकर्ताले प्रहरी दमनको विरोध गरेका छन् । सडकमा प्रदर्शन भएपछि माइतघर परिसर भएर सञ्चालन हुने सवारीसाधन अवरुद्ध भएका छन् ।

प्रहरीले प्रदर्शनकारी लक्षित गर्दै पानीको फोहोरा हानेपछि उनीहरुले ढु‌ंगा मुढा गरेका थिए । प्रदर्शन गर्ने १० जना घाइते भएका छन् । प्रदर्शनमा उत्रिएका १० जनाभन्दा बढीलाई प्रहरीले पक्राउ गरेको छ ।