काठमाडौं – चलचित्र ‘रातो टीका निधारमा’ मा समावेश ‘मेरो के हो’ बोलको गीत सार्वजनिक गरिएको छ । राजधानीमा आयोजना गरिएको एक कार्यक्रममा फिल्मको गीत सार्वजनिक गरियो ।

सार्वजनिक गीतमा निशान भट्टाई र अस्मिता अधिकारीको स्वर सुन्न सकिन्छ । गीतमा रवि मल्लका शब्द रहेका छन् । गीतको भिडियोमा अशोक शर्माका छोरा अंकित खड्का र साम्राज्ञी राज्यलक्ष्मी शाहले अभिनय गरेका छन् ।

प्रेमकथामा आधारित यो फिल्ममा अकिंत र साम्राज्ञीको रोमान्स सुहाएको छ ।

दशैँको अवसर पारेर रिलिज गरिने यो फिल्मले अझै प्रदर्शन मिति भने तोकेको छैन । अशोक शर्माको लेखन तथा निर्देशन रहेको यो फिल्ममा किरण शर्मा र कृति शर्माको लगानी छ ।

रिलिजअघि फिल्मले राम्रो हाइप बनाएको छ । यसअघि शर्माले निर्देशन गरेको फिल्म ‘जय भोले’ दशैँको अवसर पारेर रिलिज गरिएको थियो ।