हामीले दैनिक उपभोग गर्ने विभिन्न किसिमका खाद्यवस्तुहरुले हाम्रो शरीरमा नियमित रुपमा संचालन हुने विभिन्न आन्तरिक र बाह्य क्रियाकलापहरुमा सहयोग पुर्‍याइरहेको हुन्छन् ।

दैनिक शारीरिक र मानसिक परिश्रमको लागि आवश्यक पर्ने शक्ती, शारीरिक वृद्धि विकासको लागि प्रोटिन र शरीरलाई राेगबाट जोगाउने तत्वहरु हामीले खाद्य वस्तुबाटै प्राप्त गछौं । खाद्यवस्तुमा हुने पौष्टिक तत्वहरुले हाम्रो शरीरलाई स्वस्थ र तन्दुरुस्त बनाउँछ ।

शक्ति दिने खाद्ययवस्तु

विभिन्न किसिमका अन्नहरु, जस्तै जनिम मुनि फल्ने खाद्य वस्तु, कन्दमुल, घिउ, तेल तथा अन्य चिल्लो पदार्थ, तेलहन तथा बदाम गुलिया खाद्ययवस्तुले शरीरलाई शक्ति प्रदान गर्छ । यी खानेकारा खाएपछि नै हाम्रो शरीरले काम गर्न सक्छ ।

शरीरको वृद्धि विकास गर्ने खाद्यवस्तु

दाल तथा गेडागुडीहरु, बदाम, काजु, पेस्ता, ओखर दूध तथा दूधबाट बनेका परिकारहरु माछा, अण्डा मासु तथा मासुबाट बनेका परिकारले शरीरको वृद्धि विकासमा मद्दत पुर्‍याउँछ ।

रोगप्रतिरोधात्मक क्षमता बढाउने खाद्यवस्तु

हरिया सागपात, हरिया पहेंला तरकारीहरु अण्डा, माछा,मासु, दूध र सबै किसिमका फलफूलहरुले शरीरको रोग प्रतिरोधात्मक क्षमता बढाउँन सहयोग पुर्‍याइ शरीरमा रोग लाग्न दिँदैन ।