काठमाडौं- नेपाल भलिबल संघका अध्यक्ष मनोरमरञ्जनरमण शर्मा उत्कृष्ट वर्ष खेलाडीको अवार्ड पुरुषतर्फ विभागीय टिम नेपाली सेनाको त्रिभुवन आर्मी क्लबका धनबहादुर भट्ट र महिला तर्फ पनि विभागीय टिम शसस्त्र प्रहरी बलकी सरस्वती चौधरीले जितेका छन् ।

शुक्रबार संघले राजधानीमा कार्यक्रम आयोजना गरि धनबहादुुर र सरस्वतीलाई अवार्ड प्रदान गरेको हो ।

वर्षभरी गरेको प्रदर्शनका आधारमा नेपाल भलिबल संघले अध्यक्ष मनोरञ्जनरमण शर्माको नाममा स्थापना गरेको अवार्डका विजेताले द्वयले जनही ३०—३० हजार रुपैयाँ पुरस्कार पाएका छन् ।

राष्ट्रिय खेलकुद परिषद् (राखेप) का उपाध्यक्ष पिताम्बर तिम्सिना, भलिबल संघका अध्यक्ष मनोरञ्जनरमण शर्मालगायत पदाधिकारीले सरस्वती र धनबहादुरलाई सम्मान गरे ।