काठमाडौं – यतिबेला नेपालका हलहरु सुक्खा छन् । जाडो बढेकाले पनि हल पुगेर फिल्म हेर्ने दर्शकमा केही कमी आएको भन्दै फिल्मकर्मीले चित्त बुझाएका छन् । हलमा गतहप्ता रिलिज भएका तीन फिल्म ‘गोपी’, ‘रणवीर’ र ‘सयकडा दश’ ले राम्रो व्यापार गर्न सकिरहेका छैनन् ।

आज शुक्रवार रिलिज भएको फिल्म ‘समर लभ’ ले पनि खासै भयंकर ओपनिङ गर्न सकिरहेको छैन । यद्यपि यो फिल्म चल्छ कि भन्ने आशा गरिएको छ ।

यता इन्टरनेट प्रयोगकर्ताले भने युट्युबमा दक्षिण भारतीय फिल्मलाई हिट बनाइदिएका छन् । युट्युबका नेपालको ट्रेन्डिङमा केही दिनदेखि दक्षिण भारतीय फिल्म युट्युबको नम्बर एक ट्रेन्डिङमा परेको छ ।

नेपालको नम्बर एक ट्रेन्डिङमा फिल्म ‘नम्बर एक दिलवाला’ छ । यो एक्सन फिल्ममा राम पोथीनेनी मुख्य भूमिकामा छन् । नेपालमा पनि यी अभिनेताका फ्यान छन् ।

युट्युबको ट्रेन्डिङमा दक्षिण भारतीय फिल्म ‘गुरु २’, ‘जंगल २’, ‘आखिरी बाजी’ लगायतका फिल्म पनि नेपालको युट्युब ट्रेन्डिङमा हिट छन् ।

यता हलमा भने नेपाली फिल्मले भने हलसम्म दर्शक तान्न सकेका छैनन् । यतिसम्म कि, राम्रो प्रतिक्रिया पाएका फिल्मले समेत हलमा दर्शक पाएनन् ।

यता युट्युबमा भने केही नेपाली फिल्म युट्युबको ट्रेन्ङिङमा भारतीय फिल्मको पछिपछि छन् ।