अबुजा– नाइजेरियामा लडाकु समूह बोको हरामले उत्तरपूर्वी धराप थापेर गराएको आक्रमणमा कम्तीमा ५ सैनिकको ज्यान गएको छ ।
गत बिहीबार नाइजेरियाको बोर्नो राज्यस्थित दाम्बोआ क्षेत्रमा बोको हराम लडाकुको गढमा कारवाही गर्न गएका नाइजेरियाका सैनिकलाई लडाकुले धराप थापेर आक्रमण गरेको नाइजेरियाली अधिकारीले आइतबार जनाएका छन् ।
आक्रमणमा अरु दर्जनौं सैनिक हराइरहेको र अन्य केही घाइते भएको जनाइएको छ । अरु धेरै सङ्ख्यामा नाइजेरियाली सेना हराइरहेकाले मृतकको सङ्ख्या बढ्न सक्ने अनुमान गरिएको छ ।
नाइजेरियामा सक्रिय बोको हराम लडाकुले बेलाबेला सैनिक तथा सार्वजनिक निशानालाई लक्षित गरी आक्रमण गर्दै आएका छन् ।
प्रतिक्रिया