काठमाडौं– पाँचौं संस्करणको एसियन भलिबल कन्फेडेरेसन ९एभिसी० सेन्ट्रल जोन भलिबल प्रतियोगिता साउनमा हुने भएको छ ।

प्रतियोगिता काठमाडौंमा आयोजना हुने नेपाल भलिबल संघले शुक्रबार पत्रकार सम्मेलन गरेर जानकारी दिएको हो । नेपालमा हुने प्रतियोगिता साउन ३२ देखि भदौ ८ गतेसम्म छ । एसियन भलिबल संघको संयोजनमा आयोजना हुने प्रतियोगितामा नेपालसहित बंगलादेश, माल्दिभ्स, अफगानिस्तान, किर्गिस्तान, तुर्किमिनिस्तान र उज्वेकिस्तानसहित ७ देशका टोलीले प्रतिस्पर्धा गर्नेछन् ।

यसै प्रतियोगितालाई नेपाल उद्योग वाणिज्य महासंघले प्रायोजन गरेको छ । संघ र महासंघबीच शुक्रबार प्रायोजन सम्झौतामा हस्ताक्षर भएको छ। सम्झौता पत्रमा संघका अध्यक्ष मनोरन्जन रमण शर्मा र महासंघका उपाध्यक्ष उमेश लाल श्रेष्ठले हस्ताक्षर गरे ।

सम्झौतासंगै प्रतियोगिताका लागि महासंघले आयोजकलाई ४० लाख नगद उपलब्ध गराउने छन् ।