कीर्तिपुर- नेपालले इंग्ल्याण्डको मेरिलिबोन क्रिकेट क्लब एमसीसीविरुद्धको तीन दिवसीय क्रिकेटमा ४ विकेट लिएको छ ।
त्रिवि क्रिकेट मैदान कीर्तिपुरमा जारी खेलमा एमसीसीले ४ विकेटको क्षतिमा ६० ओभर खेल्दै २३३ रन जोडेको छ ।
टस हारेर पहिला ब्याटिङ गरिरहेको एमसीसीको विकेट लिने क्रममा नेपालका सोमपाल कामी र शरद भेषावकरले समान २-२ विकेट लिएका छन् ।
क्रिजमा अहिले विल भन्डरस्पर ३७ तथा ईडी योङ्ग १५ रनका साथ छन् ।
पहिलो विकेटको रुपमा वेली गोल्डम्यानलाई १० रनमा पभेलियन पठाएका सोमपालले दोस्रो विकेटको रुपमा विल रोड्सलाई बोल्ड आउट गरे ।
विल रोड्स ७३ रन बनाएर आउट भएका हुन् । टम वेस्टलीले ३९ रन जोड्दा माइल्स हामोण्डले ५२ रन बनाए ।
प्रतिक्रिया