काठमाडौं– प्रधानमन्त्री केपी शर्मा ओलीका निजी चिकित्सक डा. दिव्यासिंह शाहले प्रधानमन्त्रीको स्वास्थ्य अवस्था सामान्य रहेको बताएकी छिन् ।

प्रधानमन्त्री ओलीको स्वास्थ्य अवस्था बारे जानकारी गराउँदै जारी गरिएको विज्ञप्तिमा शाहले भनेकी छिन्,‘उहाँको स्वास्थ्य अवस्था सामान्य छ र आफ्नो निममित कामलाई निरन्तरता दिन सक्नु हुन्छ ।’

शाहले विज्ञप्तिमा प्रधामन्त्री ओलीको शरीरमा बढी मात्रामा रहेको एन्टीबडीलाई वैज्ञानिक प्रविधिबाट हटाउने उपचार प्रकृया सिंगापुरको नेशनल युनिभर्सिटी अस्पतालमा पूरा भएको जनाएकी छिन् ।

शरीरमा एन्टीबडीको मात्र बढी भएसँगै प्रधानमन्त्री ओली साउन १८ गते उपचारका लागि सिंगापुर गएका थिए ।
उपचारसम्पन्न भएसँगै प्रधानमन्त्री ओली आज स्वदेश फर्किएका हुन् ।