काठमाडौं– वैदेशिक रोजगार व्यवसायीहरुको छाता संगठन वैदेशिक रोजगार व्यवसायी संघको महाधिवेशन असोज ७ गते हुने भएको छ ।

वैदेशिक रोजगार व्यवसायी संघका महासचिव सरोज पोखरेलका अनुसार म्यानपावरको धरौटी रकम राख्न क्रम टुंगिएकाले अब महाधिवेशन मिति तय गरिएको हो ।

वैदेशिक रोजगार ऐन २०६४ संशोधनमा म्यानपावर धरौटी रकम बृद्धिसँग मर्जरमा जाने सुविधा सरकारले दिएको थियो । हाल वैदेशिक रोजगार व्यवसायी संघको सदस्यता १ हजार ५ सयभन्दा धेरै रहेको छ । संघमा कांग्रेसनिकट व्यवसायी र नकपा निकट व्यवसायीबिच प्रतिस्प्रधा हुने गरेको छ ।

हाल संघमा पूर्व एमाले र माओवादी गठबन्धनको कार्यसमिति रहेको छ । संघको महाधिवेशन २ वर्षमा हुने गरेको छ । २०७३ सालमा यता संघको महाधिवेशन भएको छैन । विभिन्न कारण संघको महाधिवेशन रोकिदै आएको थियो ।