काठमाडौं– व्यवस्थापन र प्रविधिमा देखिएका सम्भावना तथा चुनौतिबारे काठमाडौंमा अन्तर्राष्ट्रिय शैक्षिक सम्मेलन हुने भएको छ ।
मेगा नेशनल कलेजको आयोजनामा जेठ २५ र २६ गते सम्मेलन हुने कलेजका प्रमुख डा. घनश्यामप्रसाद साहले जानकारी दिए ।

अन्तर्राष्ट्रिय शैक्षिक सम्मेलन विद्यार्थीहरुका लागि उपयोगी हुने उनको भनाई छ । सम्मेलनमा अमेरिका, जर्मन, बेलायत, भारत, चीन, कोलम्बिया, फ्रान्सलगायत राष्ट्रका प्रतिष्ठित प्राध्यापक र अध्येताहरुको सहभागीता रहने छ भने दुई हजार दुई सय विद्यार्थी सहभागी हुने जनाइएको छ ।

व्यवस्थापन र प्रविधिको क्षेत्रमा संसारभर भएका अभ्यासबारे जानकारी लिन, नेपालको अनुभव आदानप्रदान गर्न तथा व्यवस्थापनमा रुचि रहेका विद्यार्थीहरुको जिज्ञासा सम्बोधन गर्न सम्मेलन उपलब्धिपूर्ण हुने विश्वास रहेको क्याम्पस प्रमुख साहको भनाइ छ ।