काठमाडौं– केही दिन यता लगातार ओरालो लागेको शेयर बजार विहीबार पनि ४.६९ अंकले घटेको छ । नेप्से ०.३६ प्रतिशतले घट्दा परिसूचक १२८४.५९ बिन्दुमा पुगेको हो । त्यससँगै सन्सेटिभ परिसूचक पनि ०.९७ अंकले घटेको छ ।

विहीबार १७२ कम्पनीको १८ लाख ५९ हजार २ सय ४८ कित्ता सेयर खरिद बिक्री हुँदा ५८ करोड ८८ लाख २२ हजार ६ सय २५ रुपैयाँको कारोबार भएको छ । १२ उपसमूह कारोबार भएकोमा होटल ३.६३, विकास बैंक ३.४६, वित्त १८.५५ र अन्य १.५४ अंकले बढेका छन् ।

त्यस्तै बैंक ५.६२, ट्रेडिङ ५.१५, जलविद्युत ३.९७, निर्जीवन बीमा ११.३१, उत्पादन १४, माईक्रोफाईनान्स ५.०६ र जीवन बीमा ८५.२ अंकले घटेका हुन् ।

विहीबार शेयर बजारमा डेभलपमेण्ट बैंक लिमिटेडका लगानीकर्ताले ९.६५ प्रतिशतले सबैभन्दा धेरै नाफा आर्जन गरेका छन् । भने पाँचथर पावर कम्पनी लिमिटेडका लगानीकर्ताले ५.१० प्रतिशतले सबैभन्दा धेरै घाटा व्यहोरेका छन् ।