एजेन्सी– सुनिल ग्रोवरले कपिल शर्मा शो छोडेको लगभग २ वर्ष भन्दा धेरै भयो ।

सम्बन्ध विग्रनुको कारण तपाईंलाई थाहा नै होला । दुबैजनाबीच विमानमा विवाद भएको थियो । यसपछि दुबैजना सँगै देखिएनन् । तर हालसालै कपिल शर्माले ट्वीटमार्फत भारत फिल्मका लागि पूरै टीमका साथ सुनील ग्रोबरलाई पनि शुभकामना दिए ।

र सुनीलले कपिलललाई यसको लागि धन्यवाद दिँदै प्रतिक्रिया पनि दिएका छन् । सुनील र कपिल कहिले सँगै काम गर्छन् ? भन्दै उनीहरुका फ्यानहरुले चासो दिइरहेका छन् । तर सुनीलले भने यसलाई भगवान भरोसामा छोडिदिएका छन् ।

एक अन्तर्वार्ताका क्रममा जब सुनील ग्रोवरलाई सोधियो कि के उनी कपिल शर्मासँग काम गर्नेछन् ? यसका जवाफमा सुनीलले दुई शब्द मात्र जवाफ दिए । त्यो हो ‘भगवाननै जानुन्’।

यसका अलावा सुनीलले आफ्नो भविष्यको प्रजेक्टको बारेमा कुरा गरे । सुनीलले बताए कि उनी एक राम्रो खालको टेलिभिजन कार्यक्रमको प्रतिक्षामा छन् ।