काठमाडौं– भेनेजुएला प्रकरणबारे संसदमा कुरा उठेको छ ।

बुधबार बसेको प्रतिनिधिसभा बैठकमा नेपाली कांग्रेसकी सांसद पार्वती डिसी चौधरीले नेपालसँग कुनैपनि सम्बन्ध नभएको भेनेजुएलामा अमेरिकाले हस्तक्षेप गर्यो‍ भन्दै नेकपा र सरकारको धारणा सार्वजनिक भएको भन्दै त्यसबाट नेपालाई के फाइदा पुग्यो भन्दै प्रश्न गरेकी छिन् ।

भारत र चीन भन्दा पहिलादेखि कुटनीतिक समबन्ध रहेको अमेरिकाले नेपालको विकासमा साथ र सहयोग गरिरहेको भन्दै सांसद चौधरीले १५ हजार किमी टाँढा रहेको भेनेजुएलासँग कुनै समबन्ध नरहेकोले बताइन् ।

उनले भनिन्,‘अमेरिकाले भनेजुएलामा हस्तक्षेप गरो भनेर कडा शव्दमा नेकपाका अध्यक्ष प्रचण्डले आपत्ति जनाउनु र नेकपा बैठकबाट अनुमोदन गर्नु र सरकारको धारणाको आसय पनि त्यही हुनाले नेपाली जनतालाई के फाइदा पुग्छ सरकारलाई सोध्न चाहन्छु ।’