काठमाडौं–राष्ट्रपति विद्यादेवी भण्डारी फागुन २६ गते अमेरिका जाने भएकी छन् । उनी अमेरिका भ्रमणका क्रममा ५ दिन बस्ने कार्यतालिका रहेको परराष्ट्र मन्त्रालयले जनाएको छ ।

राष्ट्रसंघको महिला सशक्तीकरण विषयमा हुने विशेष सत्रमा सहभागि हुनका लागि राष्ट्रपति त्यसतर्फ जान लागेकी हुन् । उक्त विशेष सत्रमा राष्ट्रपति भण्डारीले फागनु २८ गते सम्बोधन गर्ने कार्यतालिका छ ।

अमेरिकाको न्यूर्योकमा हुने उक्त सभामा राष्ट्रपति भण्डारीले ‘महिला नेतृत्वले विश्वलाई कसरी परिवर्तन गर्नसक्छन्’ भन्ने विषयमा आफ्नो धारणा राख्ने छिन् ।

राष्ट्रपति भण्डारीसँगै महिला, बालबालिका तथा ज्येष्ठ नागरिकमन्त्री थममाया थापा, परराष्ट्र सचिव शंकरदार वैरागी, राष्ट्रपति कार्यालयका परराष्ट्रविज्ञलगायतको टोली अमेरिका जाने छ।