मुम्बई – कलाकार समीरा रेड्डी पछिल्ला दिन गर्भवती अवस्थामा छिन् । उनले सामाजिक सञ्जालमा आफू गर्भवती हुँदाताकाका तस्वीरहरु निरन्तर शेयर गरिरहेकी हुन्छिन् ।

हालै समीराले पानीमुनि फोटोशूट गराएकी छिन् । यी तस्वीरहरु यतिबेला भाइरल भइरहेका छन् ।

तस्वीरमा समीरालाई बिकिनी अवतारमा देख्न सकिन्छ । उनी निकै बोल्ड पनि देखिएकी छिन् । तस्वीरमा समीरा चकित पार्ने अवतारमा देखिएकी छिन् ।

तस्वीर शेयर गर्दै समीराले लेखिन्, ‘म आफ्नो गर्भवती समयको ९ महिना सुन्दरताको उल्लासमा रमाउन चाहन्थेँ, यो समय जब हामी सबै कमजोर, थकित, डराएको, उत्साहित र सबैभन्दा सुन्दर महसुस गरिरहेकी छु ।’

समीराले यी तस्वीर शेयर गर्दा दर्शकले यसलाई सकारात्मक लिनेमा पनि विश्वास व्यक्त गरेकी छिन् । उनले आफ्नो हरेक स्तरलाई सबैभन्दा पहिले आफैले माया गर्नुपर्ने विश्वास पनि व्यक्त गरेकी छिन् ।

समीराले हिन्दी, तमिल, मलयालम, कन्नड र बंगाली फिल्ममा काम गरिरकेकी छिन् ।