काठमाडौं – चलचित्र ‘वीर विक्रम २’ को टिम प्रचारका लागि मोफसल टुरमा निस्केको छ । प्रचारका क्रममा निर्माण टिम पोखरा पुगेको छ ।

जेठ ३ गतेदेखि प्रदर्शनमा आउने फिल्मको प्रचारमा पल शाह, नाजिर हुसेन, वर्षा शिवाकोटी, बुद्धि तामाङ लगायत जुटेका छन् । पोखरामा सम्पन्न कन्सर्टमा यी कलाकारका अलावा बाल गायक मनिष लिम्बुले पनि आफ्नो प्रस्तुति दिएका थिए ।

पोखराको चिप्लेढुंगामा सम्पन्न कन्सर्टमा पोखरेली दर्शकको बाक्लो उपस्थिति थियो । कन्सर्टमा कलाकारले फिल्म ‘वीर विक्रम २’ हेर्न दर्शकलाई आग्रह समेत गरे ।

मिलन चाम्सको निर्माण तथा निर्देशन रहेको यो फिल्ममा मित्रताको कथालाई कथानक बनाइएको छ । फिल्ममा पल र नाजिर साथीका रुपमा देखिएका छन् भने वर्षा शिवाकोटीको पनि शीर्ष भूमिका छ ।

रिलिजअघि चलचित्रको राम्रो चर्चा छ ।