कास्की– कास्की प्रहरीले अवैध रुममा लुकाई राखेको ५ थान हातहतियार सहित ४ जनालाई पक्राउ गरेको छ ।

गोप्य सूचनाका आधारमा जिल्ला प्रहरी कार्यालय कास्की र शिशुवा प्रहरी पोष्टबाट खटिएको विशेष प्रहरी टोलीले २२ बोर राइफल लेन्स १ थान, १२ बोर सर्ट गन १ थान र भरुवा बन्दुक ३ थान सहित ४ जनालाई पक्राउ गरेको हो ।

पक्राउ पर्नेमा रुपा गाँउपालिका वडा नम्बर ७ घर भई हाल पोखरा ३० शिशुवा बस्ने वर्ष ५५ का नारायणबहादुर गुरुङ, रुपा गाँउपालिका ७ तालवेशीका ४८ वर्षीय दिलबहादुर गुरुङ, ५४ वर्षका मनबहादुर थापामगर र रुपा गाँउपालिका ७ तिलखोरिया बस्ने ४५ वर्षका सुरेश गुरुङ रहेका छन् । पक्राउ परेका चारै जनालाई मंगलबार म्याद थप गरी अनुसन्धान गरिरहेको कास्की प्रहरीले जनाएको छ ।