काठमाडौं- पशुपतिनाथ मन्दिरलगायत देशभरका शिवालयमा शिवरात्रिको अवसरमा पूजाआजा एवं दर्शन गर्ने भक्तजनको बिहानैदेखि भीड लागेको छ ।

पर्वका अवसरमा पशुपति क्षेत्र विकास कोषले बिहान ३ बजेदेखि नै पशुपतिका चारै ढोका खोलेको छ । बिहानैदेखि लाखौँ भक्तजन पशुपतिनाथ मन्दिरमा दर्शनका लागि लाममा बसेका छन् । आज पशुपति मूल मन्दिर प्रवेशका लागि बाहिरबाट तीन मूल मन्दिर परिसरमा प्रवेश गरेपछि पाँच लाइनको व्यवस्था गरिएको छ ।

मित्रपार्क तथा गौरीघाटबाट उमाकुण्ड–दक्षिणामूर्ति–रुद्रगाडेश्वर हुँदै उत्तरढोकाबाट एक/एक गरी दुई, जयबागेश्वरी–इट्टापाखा–भुवनेश्वरी अघिको सानो फलामे ढोका हुँदै पश्चिम प्रवेशद्वारबाट एक, बत्तिसपुतली, गौशाला तथा विमानस्थल गौशाला भएर पिंगलास्थान–सुमार्गी भवन–चारशिवालय–पञ्चदेवल हुँदै दक्षिणढोकाबाट एक/एक गरी दुई लाइनको व्यवस्था गरिएको छ ।

खबरहवको टोली बिहानै पशुपतिनाथ क्षेत्र परिसर पुग्दा श्रद्धालुहरु लाइनमा लागेका थिए । पूजाआजा गर्नेको पनि भीड थियो । हेर्नुहोस् पशुपतिनाथ मन्दिर परिसरमा बिहानै देखिएका १० तस्वीर :

तस्वीर : कृष्ण खत्री